Madagasikara Am-Perin'asa

Samy mahatsapa isika fa ny fahombiazan’ny fanatanterahana ny MAP dia miankina amin’ny soatoavina iombonana. Hiarahantsika rehetra izany, indrindra eo amin’ny ambaratongan’ny asa-mpanjakana.

Ny maha-matihanina amin’izay rehetra ato

Isika rehetra dia tokony miezaka manatratra ny faritra sy sehatra tsara indrindra misy ny matihanina.

Fitarihana iarahana

Ny fitarihana dia tokony ho hita taratra mazava amin’ny ambaratonga rehetra eo amin’ny asam-panjakana sy ny sehatra hafa rehetra eo amin’ny fiaraha-monina. Ny mpitarika dia tokony hampiseho fandraisana andraikitra ka hanentana ny olona sy ny enti-manana rehetra mba hanatrarana ny tanjona voafaritra ao anatin’ny Vision sy ny MAP.

Fanohizana ny fanamafisana ny fahaiza-manao

Tokony hanohy hianatra sy hanamafy hatrany ny talenta sy ny fahalalana isika mba ho tafita.

Fandraisana anjara sy fiaraha-miasa

Tokony hampiroboroboina ny foto-pisainana fiaraha-miasa amin’ny rehetra, na any amin’ny faritra, na amin’ny kaominina na eo anivon’ny mpiray ombon’antoka iraisam-pirenena.

Fampiasana ny enti-manana efa misy ho fanoitra

Ialana ny fampiasana kitoatoa ka atao izay hahazoana ny vokatra ambony indrindra avy amin’ny enti-manana misy eo amin’ny firenena.

Fahafahana mifaninana

Mba hahita fahombiazana eo amin’ny fifaninanana eo anivon’ny faritra, ny firenena, ary ny sehatra iraisam-pirenena dia tsy maintsy manana tanjaka manokana sy avo lenta ny sehatry ny fampianarana, ny sehatry ny asam-panjakana, ary ny seha-pamokarana tsy miankina.

Fitazonana ny fahamarinana

Ny fitazonana ny fahamarinana, ny fahamendrehana ary ny fifampatokisana no ahafahan’ny mpiasam-panjakana mamokatra ho an’ny vahoaka.

Finiavana hitozo hatramin’ny farany

Tokony hikiry, haneho fandraisana andraikitra, ary hanatanteraka ny teny nomena isika.