Madagasikara Am-Perin'asa

Ny fotokarena maha olona:

Ny fotokarena maha olona dia ahitana sampan-draharahan’ny fahasalamana, ny fanohanana ara-tsakafo, ny fampianarana ary ny fanofanana izay afahan’ny tsirairay mamokatra amin’ny lafiny ekonomika sy sosialy.

Ny fotokarena fotodrafitra:

Ny fotokarena fotodrafitrasa dia ny lalana, ny famatsiana jiro sy rano, ny fitandroam-pahasalamana, ny seranam-piaramanidina sy seranan-tsambo,ny lalamby ary ny fifandraisan-davitra izay tena manampy ny mpandraharaha, ny governemanta ary ny Vahoaka amin’ny asa aman-draharaha sahaniny

Ny fotokarena sehatra tsy miankina:

Ny fotokarena sehatra tsy miankina dia ny milina, ny trano, ny fitanterana, ny famokarana, ny paikady, ary ny rafitra araky ny lalàna ilain’ny mpandraharaha hahafahany mifaninana eo amin’ny tsena iraisam-pirenena.

Ny fotokarena voajanahary:

Ny fotokarena voajanahary dia ny tany azo volena, ny tany mahavokatra, ny harena ara-boajanahary, ary ny firaisan-tontolo iainana mirindra tsara izay ilain’ny firenentsika hampiroborobo azy.

Ny fotokarena fitarihana:

Ny fotokarena fitarihana dia ny fahaizana mitantan-draharaha sy mitondra olona, ilaina manerana ny firenena hitondrana fiovana, hitarihina ho any amin’ny fampandrosoana, ary hanamorana ny fahazoana sy ny fikajiana ireo fotokarena hafa.

Ny fotokarena fahalalana:

Ny fotokarena fahalalana dia ny fahaizamanao siantifika sy teknolojika izay mampitombo ny fahavokarana eo amin’ny sehatry ny fandraharahana sy ny governemanta ary mampivelatra ny famoronana sy ny fifaninanana.

Ny fotokarena andrim-panjakana:

Ny fotokarena andrim-panjakana dia ny fitantanana ao anatin’ny fandraisana andraikitra ary ny fanohanan’ny mpiasampanjakana ny firenena. Ilaina izany amin’ny fampiarana ny politikam-panjakana sy ny fanomezana sampan-draharaha mahomby sy mahafa-po, mamaly ny hetahetan’ny Vahoaka ara-potoana.